![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A esclerosi multiple ye una malautía neurolochica cronica de naturaleza inflamatoria y autoimmunitaria caracterizada per o desembolique de lesions desmielinizants, y de mal axonal en o sistema niervoso central.[1] Ye una d'as prencipals causas de discapacidat neurolochica d'orichen no traumatico en adultos chóvens, sobretot mullers, afectando d'entre 2.3 y 2.5 millons de personas en o mundo.[2]
Se desconoixe la causa d'a malautía, encara que se sabe que lo suyo desembolique s'asocia a una combinación de factors cheneticos, que predisposan a padeixer a malotía, y factors ambientals y infecciosos (infeccions virals y parasitosi) que afavoreixen l'aparición de l'esclerosi multiple. Entre los factors ambientals s'incluyen o deficit de vitamina D, toxinas ambientals, a dieta y costumbres nocivos como lo tabaquismo.[3]